De Tüüfel isch underwägs

(Toni Vescoli)


Zurück zur Liste

Gang mach d'Tür zue
s' isch verby d'Rueh
d' Sunne gainet und wird matt
Hüt wird's dunkel
's Schterne-G'funkel
findet hinder Wulche schtatt

Es isch en Tag zum brüele
es isch en Tag für nüüt
es isch en Tag zum heigah
wehrsch dich gäg en Goliath
Dänn eimal meh isch hüt de Tüüfel
underwägs i de Schtadt

'S fangt a gähre
gschpüürsch die schwehre
Tryb under jedem Fygeblatt
'S schmöckt nach dryschlaa
muesch es gly haa
irgend eine lyt hüt zabig platt
 


Es isch en Tag zum schtöhne
es isch en Tag für d'Chatz
es isch en Tag zum schterbe
's Schicksal git Der kein Rabatt
Dänn eimal meh isch hüt de Tüüfel
underwägs i de Schtadt

'S git mer z'dänke
wott mer's schänke
ha die Lämpe eifach langsam satt
Nimm de Höörer
als Verschwöörer
d' Hähne uf mit Mega-Watt

Es isch en Tag zum dröhne
es isch en Tag für mych
es isch en Tag zum fyre
find en langsam sälber glatt
Ganz egal wänn au de Tüüfel
underwägs isch i de Schtadt
Zurück zur Liste