Treisch gern g’nagleti Schueh
Gisch ganz eifach kei Rueh
Häsch nie g’nueg, Gift im Bluet
Für ´s Schööni und Gueti bisch blind
Wettisch all wäred tot

Was häsch devoo, macht Di froh ?
Hätt mer Dir alles gnoh
Was gaht vor i Dim Grind ?
Bisch sit eewig de glych
Wer verantwortet Dich ?
Was für en riese Idiot ?
Du bisch de eewig Chaot !

Du bisch de eewig Chaot !

Chuum im Fäll ume g’rännt
Häsch nüüt anders meh kännt
Immer heiss, Lämpe geil
„Nagled en a ´s Chrüüz!“ häsch g’rüeft
Bis hüt Dis erschti Gebot

„Abeschlaa ! Vergaase laa !“
Muesch es immer na haa
Wird irgendwo demonschtriert
Miscchisch un g’fröget mit
Luegsch dass’s Räblete git
Du bruuchsch Dis tägliche Brot
Du bisch de eewig Chaot !

Du bisch de eewig Chaot !

D’ Zyt hüt: Phänomenal !
Wer für was isch egal
Action zellt, Mailand fählt
D’ Fremdelegion isch verby
Schlaasch für „Kinder in Not“

„Türke hei !“ – „Atomchraft nei!“
Voll aber niemals elei
Au bi de Schmier bisch deby
Du häsch immer en Grund
Schpilsch de „Lingg Schweinehund“
Oder schpilsch „Patriot“ :
Du bisch de eewig Chaot !

Du bisch de eewig Chaot !